Siri: Rebelët largohen nga enklava e fundit më e madhe e rrethuar

23:51 | 7 Maj 2018
Trina Galanxhi

Rebelët sirianë kanë filluar të tërhiqen nga enklava e fundit e madhe, e rrethuar, të cilën ata e mbajtën nën kontrollë që nga fillimi i luftës shkatërruese.

Qindra luftëtarë kanë hipur nëpër autobusë së bashku me familjet e tyre në territorin e shtrirë të Sirisë qendrore, mes Homs dhe Hama, transmeton portali arbresh.info

Sipas një marrëveshjeje me aleatët rusë të qeverisë, militantëve iu është dhënë kalimi i sigurt në territorin e kontrolluar nga opozita në Siri veriore.

Kjo është enklava e fundit që mbahej nën kontrollë nga rebelët.

Fushat e vetme të rëndësishme të Sirisë ende në duart e kryengritësve shtrihen përgjatë kufijve të saj në veri dhe jug të largët.

Pas shtatë vite luftë, qeveria e Assadit, me mbështetjen e Rusisë dhe Iranit, ka marrë në kontrollë pjesën më të madhe të Sirisë qëndrore, përfshirë edhe qytetin e dytë më të madh, Aleppon./Arbresh.info/